आशिष साना किसानको
राम्रा ति गहना आभुषण होउन्, राम्रै होउन् काचुलि ।
राम्रै होस घरबार र सखा, शिक्षित परिवारकी ।।
राम्रै होस घरबार र सखा, शिक्षित परिवारकी ।।
इच्छा शक्ति होउन् तेज पुष्प भमरा, चुस्ने न उड्ने सरी ।
भाषा भेष र देश गुनिलो, बोल्ने बनुन् शिव हरि ।।
भाषा भेष र देश गुनिलो, बोल्ने बनुन् शिव हरि ।।
प्रेमैको सब बोलि सुनियोस्, संस्कृत श्लोकआदि घोलि ।
राम्रै हुन् दुहुना लता तरु विसे, फलादिले झन् झुली ।।
राम्रै हुन् दुहुना लता तरु विसे, फलादिले झन् झुली ।।
बाला झुलुन् अन्नादि रसले, सिंचित कुलेसा मुनि ।
गाला बालाका रहुन् ति रमिते, दुधालु धेनु दुई ।।
गाला बालाका रहुन् ति रमिते, दुधालु धेनु दुई ।।
सानै हुन् के किसान तिनमा, दया सदाभै दिउन् ।
सानै होस के ढुकुटि तिनका, अन्नादि सदा बांडिउन् ।।
सानै होस के ढुकुटि तिनका, अन्नादि सदा बांडिउन् ।।
सन्तोषि फलको विवेकि मुलको, मेवा फलोस् बोटमा ।
सुसंस्कृत सब सखा रहुन् तिनका, उग्राउन् धेनु गोठमा ।।
सुसंस्कृत सब सखा रहुन् तिनका, उग्राउन् धेनु गोठमा ।।
पूजुन पांचजन्य परमेश्वर सदा,
अमृत बसोस ओठमा ।
अमृत बसोस ओठमा ।
माधब प्रसाद कोइराला
